Qaraxyo silsilado ah ayaa lala beegsaday kolonyo ciidamo afrikaan ah oo ku socdaalayay deggaanno ka tirsan gobolka Shabeellaha hoose.
Dagaalyahannada Al-Shabaab ayaa maanta qaraxyo culus la beegsaday Kolonyo ciidamo Ugaandhiis ah oo ka baxay degmada Jannaale.
Kolonyadan la weeraray oo qorshahoodu ahaa inay ka hor-tagaan kolonyo kale oo sahay u soo waday ayaa waxaa qaraxyadaasi kaga bakhtiyey 2 askari oo Ugandhiis ah, halka dhaawacuna gaadhayo 5 askari.
Sido kale Kolonyada Ugaandhiiska ah ee soo wada Sahay-da ayaa iyagana maanta qarax lagula beegsaday afafka hore ee deggaanka Shalambood.
Ilo-wareedyo aanu helnay ayaa sheegaya in mid ka mid ah gaadiidkii kolonyada afrikaanta gabi ahaanba uu qaraxaasi ku burburay.
Waxa kale oo aanu faahfaahin ka helnay qarax shalay inta u dhexeysa Shalambood iyo Danow lagula beegsaday Kolanyada Sahayda, kaas oo ay ku bakhtiyeen 3 askari oo Ugaandhiis ah.
