Dagaalyahannada Al-Shabaab ayaa saaka weerar culus kula jarmaaday maleeshiyaad ka tirsan kuwa DF-ka Soomaaliya oo iyagoo kolonya ah ku socdaalayay duleedka degmada Afgooye ee gobolka Shabeellaha hoose.
Ilo-wareedyo aanu helnay ayaa sheegaya in kolonyadan oo rabay inay soo galbiyaan kolonyo kale oo sahay u wadday saldhigga Balli-doogle ay ku dhaceen weerar dhabbo-gal ah oo ay u dhigeen xoogagga Al-Shabaab.
Sida aanu wararka ku helayno Kamiinkan ayaa khasaare culus lagu gaadhsiiyey maleeshiyaadka la weeraray, waxaana laga soo furtay gaadhi Cabdi Bile ah oo qori dhashiike ah uu saaran yahay.
Wararkii ugu dambeeyey ee aanu helnay ayaa sheegaya in kolonyadii sahayda wadday lagu sandulleeyey inay dib ugu laabtaan halkii ay kasoo ruqaansadeen ee magaallada Muqdisho.
