Markii ugu horraysay maamulka sare ee idaacadda CodKa Mareykanka ee loo yaqaan VOA ayaa ku dhawaaqay in lakala diray shaqaalaha islamarkaana shaqada ay joojiyeen inta badan laamaha idaacadda ee dibadda lahadla.
War qoraal ah oo kasoo baxay VOA ayaa lagu xaqiijiyay in waaxda arrimaha dibadda Mareykanka ay albaabada ulaabtay faracyadii idaacadda islamarkaana ay meel cidla ah kusoo dhaceen kumanaan wariyaal ah oo ka shaqeynayay idaacadda kuwaas oo hadda aan haysan gunno,hooy iyo deganaanshiyo intaba.
Wariyeyaashii VOA-da ee u tafa-xaydnaa la-dagaallanka Islaamka ee dhawaan uu Donald Trump uu kala cayriyey ayaa dhankooda bilaabay in ay ka dhex dawarsadaan/tuugsadaan baraha bulshada.
Qoraalka kasoo baxay maamulka VOA ayaa lagu yiri sidaan "Waxaa si lama filaan ah shaqadii looga joojiyay boqolaal ka mid ah shaqaalaha Idaacadda Codka Maraykanka (VOA), taas oo dad badan ka dhigtay iyagoo aan haysan wax dakhli ah, caymis caafimaad ma heysteen ama fiisooyin dal ku gal ma haystaan",
Ol’olehan lacag-urursi ayay durba bilaabeen shaqaalihii la rukhseeyay kadib markii ay soo food-saartay duruufo dhaqaalle oo aad u daran isla markaana qaarkood la filaayo in laga masaafuriyo dalka Maraykanka.
Mid kamida wariyaashii VOA ka howlgelayay ee shaqa la'aanta noqday ayaa sidaan yiri "Lacag ururintu waxay bixisaa taageero deg-deg ah biilasha caafimaadka, kaalmada maaliyadeed, iyo gargaarka sharciga. Ku deeq hadda si aad ula garab istaagto”.
Laammaha VOA ee Mareykanku howlgabka ka dhigay waxaa kamid ah qeybta Afsoomaaliga oo dagaal warbaahineed ku haysay shacabka Soomaaliyeed.
Laga billaabo 15-kii bishaan Maarso hawada sooma gelin idaacadda VOA-da laanta Afsoomaaliga, Mareykanka ayaa laanta afsoomaaliga aas-aasay sanaddii 2007 kolkaas oo dalka Soomaaliya ay duullaan kusoo qaadeen ciidamada Xabashida Itoobiya iyo kuwa shisheeyaha ATMIS.
