Ciidamada Kenya ayaa maalintii shalay ciidanka Dowladda Fedaraalka ku wareejiyay, saldhiggii ay ku lahaayeen degaanka Buurgaabo oo katirsan gobolka Jubada Hoose.
Buurgaabo ayaa magaalada Kismaayo kaga beegan dhanka Galbeed, waana degaan xeebeed, taasoo ay ciidamada Kenya qabsadeen dabayaaqadii 2012-kii.
Tan iyo xilligaas waxay dadka iyo degaanka intii ay joogeen ka hayeen dhibaatooyin kala duwan, waxayna sabab u ahaayeen dib udhacyo dhan waliba ah oo uu degaanku la kulmay sanadihii xiriirka ahaa ee lasoo dhaafay.
Bishii hore ee sanadkan 2024-ka ayey ahayd markii askar katirsan kuwa Kenya ay isaga baxeen jaziiradda Kudhaa oo kamid ah isla gobolkan.
