Wararka ka imanaya dhulka Soomaaliyeed ee ku hoos-jira gumaysiga dawladda Kenya ayaa sheegaya dagaal culus oo dhex-maray xoogagga Al-Shabaab iyo ciidamada Kenya.
Dagaalkan ayay xoogagga Al-Shabaab ku qaadeen xerada millateriga dawladda Kenya ee deggaanka Eegeey oo hoos-taga Dhadhaab oo ka tirsan gobolka Gaarisa.
Ilo-wareedyo ayaa tibaaxaya intii dagaalku uu socday, in dab xooggani uu qabsaday Teendho ciidamada Kenya uga dhisnayd gudaha xerada.
Wararku waxay intaasi ku darayaan in gabi’ahaanba ay shuf-beeshay teendhadii iyo wixii agab ahaa ee u hoos-yaallay ciidamad Kenya.
Dagaalkana ayaa kusoo aadaya xilli saacadihii u dambeeyey ee xalay iyo saaka ay dhaceen hawl-gallo lagu beegsaday maleeshiyaadka Xudur iyo Qeycad.
