Idaacadda Ciidanka cadowga ah ee Yuhuudda ayaa goor dhaweyd iclaamisey in ladilay hoggaamiyaha Xarakada Xamaas Yaxye Sinwaar.
Ciidanka cadowga ah ee Sahaayinadu waxa ay sheegeen in ay meydka Sinwaar ka qaadeen DNA ama baaritaanka hiddesideyaasha kaas oo ay sheegeen in ay xaqiijiyeen dhimashada hoggaamiyahan.
Maaddaama oo Sinwaar uu kamid ahaa maxaabiis hore ugu xirnaa xabsiyada Yuhuudda waxa ay taasi u suurto galisey sida la sheegayo in ay helaan DNA-diisa.
Wararka qaar ayaa intaa ku daraya in Sinwaar uu xirnaa dharka ciidanka isla markaana uu hubeysnaa. Ugu yaraan hal sarkaal oo kale ayaa wararku tibaaxayaan in lala diley.
Xarakada Xamaas ayaan wali ka hadlin sheegashada Yuhuudda waxaana ka rajaynayaa in dhawaan ay ka hadli doonaan.
Bishii Julaay ee ina dhaaftey ayaa weerar dhagar ah oo ka dhacey Dahraan lagu diley hoggaamiyihii hore ee Xamaas Ismaaciil Haniyah. Haddii sheegashada Yuhuuddu sax noqoto waxa ay noqonaysaa markii in Sahaayinadu dileen saddex bilood ka dib magacaabista hoggaamiyahan.
Warsame Warfaa
