Wararkii ugu dambeeyey ee naga soo gaadha deggaanka Buulo-xaaji ee duleedka magaallada Kismaayo oo shalay loogu awood-sheegtay ciidanka Jubbaland ayaa tibaaxaya in ciidankaasi laga dilay 6 askari, 11 kalena laga dhaawacay.
Saddex ka mida bakhtiga ciidanka Jubbaland ayay xoogagga Al-Shabaab galabnimadii shalay soo bandhigeen. Waxaanay dagaalkaasi kusoo furteen hub kala duwan oo ciidanka Axmed-madoobe ay kaga carareen goobta dagaalka.
Sidii aanu horeyba idiinku soo gudbinay isla markii foodda la is-daray ee dagaalku bilawday waxaa firxaday oo cagta furay ciidankii la weeraray, waxaanay xoogagga Al-Shabaab si buuxda ula wareegeen deggaanka Buulo Xaaji.
Kadib markii cagta la mariyey ciidankii Jubbaland ayaa saldhiggoodiina dhulka lala simay oo la burburiyey. Waxaanay dagaalyahannada Al-Shabaab oodda ka qaadeen maxaabiis ciidanka Axmed-madoobe ugu xidhnayd xabsiga Buulo Xaaji.
Dhanka kale, dagaalyahannada Al-Shabaab ayaa xalay dagaal culus ku miray ciidanka maamulka la baxay Koonfur Galbeed, gaar ahaan kuwa ku sugan xerada Iidow Dhigaal ee magaallada Baydhabo ee gobolka Baay iyo xero kale oo ku taalla degmada Xudur ee gobolka Bakool.
