Gobollada dhexe waxaa weli kasii socda dagaal beeleedyada laayaanka ah ee ay isku geysanayaan maleeshiyaadka hubaysan.
Wararka ka imaanaya waqooyiga Galguduud ayaa sheegaya in dablay hubaysan ay xalay laba ruux si argagax leh ugu dileen deegaan dhaca duleedka degmada Cadaado.
Ugu yaraan 2 ruux ayaa dhintay hala tira kale ay dhaawacyo soo gaareen, goob joogayaal ayaa sheegay in maleeshiyaad kasoo jeeda magaalada Dhuusamareeb ay duleedka deegaanka Godinlabe ku dileen 2 qof oo kala ahaa nin iyo xaaskiis.
Maleeshiyaadka ayaa labada ruux dilay kadibna waxay ku gubeen aqal soomaaligii ay jiifeen.
Dhinaca kale iska hor’imaadyo udhaxeeya maleeshiyo beeleedyo ayaa lagasoo sheegayaa deegaannada udhaxeeya Cadaado iyo Caabudwaaq.
