Dowladda Kenya ayaa dhawaan shaacisay in dhammaan muwaadiniinta qaaradda Afrika laga dhaafay shuruudda fiise-ku-galka dalkaas marka laga reebo Soomaaliya iyo Liibiya, kuwaas oo weli looga baahan doono inay fiiso codsadaan ka hor inta aysan soo gelin Kenya.
Kenya oo warsaxafadeed ay soo saartay ku sheegtay go'aankan cusub ayaa cadeysay in sababo la xiriira amniga inay Soomaaliya iyo Liibiya looga reebay dalalka Africa ee Visa la’aanta ku geli doona dalkaas.
Sidoo kale Afhayeen u hadlay Wasaaradda Arrimaha Gudaha ee Kenya ayaa sheegay in sababta looga reebay Soomaaliya iyo Liibiya ay tahay arrimo amni oo muhiim ah.
Afhayeenka ayaa yiri: "Waxaan ka shaqeynaynaa sidii aan u xaqiijin lahayn ammaanka gudaha Kenya, waana sababta aan uga taxaddareyno xiriirka socdaalka dalalka qaarkood."
Tallaabadan ayaa dhalisay falcelin xooggan oo ka ka yimid Dadka somalida ee ku ganacsada dalkaas, iyagoo sheegay inay tani caqabd wayn ku noqon doonto ganacsida somalida ee dalkaas u ganacsi taga.
Arintan ayaa imaanaysa iyadoo la sheegayo in xiriirka ka dhaxeeya dowladda federaalka Somliya iyo Kenya uu sii xumaanayo sababo la xiriira arinta maamulka Jubbaland oo dhawaan diyaarad laga leeyahay Kenay ay Axmed Madoobe ka qaadday magaallada Kismaayo taasoo qaar ka mid ah madaxda Villa Somaliya ay cabasho ka muujiyeen.
