Waxaa sii kordhaya khasaaraha ka dhashay dagaal culus oo si weyn loogu jabiyey maleeshiyaadka Gurguurte oo shalay ka dhacay deggaanka Gerille ee duleedka degmada Ceel-dheer ee gobolka Galgaduud.
Sida aanu ku helnay xogaha ilo-wareedyadii ugu dambeeyey bakhtiga maleeshiyaat-ka Gurguurte ayaa gaadhaya 36 askari oo 31 ka mid ah ay bakhtigooda kaga carareen goobtii lagu dagaallamay. Waxaana lagu dhaawacay 21 kale.
Wararku waxay intaasi ku darayaan in dagaalyahannada Al-Shabaab ay dagaalkaasi kusoo furteen saanad milleteri oo aad u fara badan, kana mid tahay 31 qori oo noocyadoodu kala duwan yihiin iyo rasaas tiro-beel ah.
Jabka gaadhay ciidamadan ayaa imanayaa iyadoo maalmo ka hor ciidamo kale oo ka tirsan kuwa dawladda oo dhaq-dhaqaaqyo ka waday aagaggaasi lagu dhiig-bixiyey dagaallo culus oo ka dhacay deggaannadaasi.
