Xilli xaalad adag oo dhanka amniga iyo siyaasadda ah ay marayso dowladda Federaalka Soomaaliya ee shisheeyaha lashaqeysa ayuu Xasan Gurguurte socdaal kedis ah ugu amba baxay dalka Jabuuti.
Wafdi uu hoggaaminayo madaxweynaha DF-ka ayaa ka dhoofay garoonka diyaaradaha Muqdisho isagoona gaaray magaalada Jabuuti halkaas oo uu kulamo kula leeyahay Ismaaciil Cumar Geelle iyo saraakiil Reer galbeed ah.
Ilo-wareedyo aanu helnay ayaa sheegaya in socdalka Xasan Sheekh uu yimid kadib wada-hadal khadka taleefanka uu ku dhaxmaray isaga iyo Ismaaciil Cumar Geelle.
Taqadumka dagaalyahannada Al Shabaab ee gobollo ku dhow Muqdisho iyo guuldarrooyinka soo gaaray maleeshiyaadka DF-ka ayaa xaalad anfariir ah ku ridday waxa loogu yeero beesha caalamka oo ay ugu horreeyaan reergalbeedka iyo dowladaha afrikaanta ee ciidamadoodu duullaanka ku joogaan Soomaaliya.
Ismaaciil Cumar Geelle ayaa la filayaa in uu Xasan Gurguurte hordhigo khataraha ku gedaaman xukuumaddiisa, wararka qaar ayaa sheegaya in Geelle uu Xasan Gurguurte siin doono talooyin ku aaddan azmada siyaasadeed iyo midda dhaqaale ee ay wajahayso Villa Somaliya.
Futuuxaadkii ay Jihaadiyiintu ka sameeyeen gobollada shabeellaha dhexe iyo shabeellaha Hoose ayaa qoob-gariir ku riday DF-ka iyadoona maleeshiyaadka dowladdan ay maalmo kooban lumiyeen gacan-ku-heynta degmooyin iyo tobanaan tuulo.
Xasan Gurguurte ayaa dabayaaqadii bishii hore sidaan oo kale safar ugu tagay dalka Turkiga oo kamid ah dowladaha ay ciidamadoodu duullaanka garadda ah ku joogaan Soomaaliya
