Faysal Cali Waraabe muxuu ka yiri bara-kicinta shacabka Falastiin?

Thursday March 20, 2025 - 14:44:06
Liibaan Jeexoow
Faysal Cali Waraabe oo kamid ah siyaasiyiinta Waqooyi ee Somaliland ayaa ka hadlay arrinta ku saabsan barakicinta dadka Reer Qaza taas oo si weyn saxaafadda dunidu u qaadaa-dhigeysay saacadihii ugu dambeeyay.
Faysal oo qoraal ku baahiyey bartiisa X ayaa xusey in ay hadalka Wasiirka Dibedda ee Somaliland aanu ka turjumayn aragtida dadka iyo ta Cirro midna.

"Hadalka ka soo yeeray Wasiir Cabdiraxmaan ee ku saabsan barakicinta dadka Reer Qaza kama turjumayo siyaasadda Madaxweyne Cirro iyo ta dadka Somaliland labadaba” ayuu yiri Waraabe.

Faysal waxa uu intaa ku daray in aragtidan qar iskatuurnimada ahi ay khatar ku tahay Somaliland isla markaana kooxaha "Xagjirka” ahi beegsan doonaan.

"Haddii aynu ku shaqayno aragtidan aan shacabka haysan waxa aynu bartilmaameed u noqonaynaa kooxaha argagixisada waxa aynuna ku waayeynaa saaxiibbo badan”

Ugu dambayn Faysal ayaa sheegay in sidoo kale aragtidan ay ka faa’iideysanayaan qolyo uu cadow ku tilmaamey oo ay kamid yihiin Xasan Sheekh iyo Ismaaciil Cumar Geelle.

Related Items

Update cookies preferences