Wararka ka imanaya gobollo ka tirsan koonfurta Soomaaliya ayaa sheegaya hawl-gallo qaraxyo ah oo dagaalyahannada Al-Shabaab ku beegsadeen maleeshiyaadka DF Somaliya.
Habeennimadii xalay waxaa la maqlay jugta qarax culus oo lagu weeraray bar kantarool maleeshiyaadka DF Somaliya ay kaga sugnaayeen magaallada Balad Xaawo ee gobolka Gedo.
Ilo-wareedyo aanu qaraxaasi ka helnay ayaa tibaaxaya in uu jiro khasaare soo gaaray maleeshiyaadkii goobtaasi lagu bar-tilmaameedsaday.
Sidoo kale qarax culus ayaa shalay lagu beegsaday maleeshiyaad ka tirsan kuwa Gurguurte oo ku sugnaa gudaha degmada Aadan Yabaal ee gobolka Shabeellaha dhexe.
Ilo-wareedyo ayaa tibaaxaya in qaraxaasi uu ku dhintay askari ma tirsan maleeshiyaadkii goobta joogay, halka 2 kalena lagu dhaawacay.
