Madaxweynaha Dowladda Federaalka Soomaaliya ayaa saaka safar ugu baxay dalka Immaaraatka Carabta kaas oo dhawaan casuumaad u fidiyey madaxweynaha maamulka Somaliland Cabdiraxmaan-Cirro.
Safarka Xasan Sheekh oo aan hore loo sii shaacin ayaa la sheegayaa in uu salka ku hayo ismaandhaaf ka dhashey martiqaadkii UAE ee SL iyo arrimo dhaqaale.
Xasan oo bilihii u dambeeyay safarradiisu aad u badnaayeen ayaa dadku isweydiinayaan waxa uu soo kordhinayo safarkan Abu Dhabi.
Agaasimihii hore ee Sirdoonka Soomaaliya Fahad Yaasiin oo dhawaan warfidiyeenka la hadlay ayaa ka dhawaajiyey in Immaaraadku aanu wax ixtiraam ah u haynin Soomaaliya iyo Xasan Sheekh toona.
Ilo-wareedyo kale ayaa xusaya in Xasan Sheekh keliya uu Immaaraadka u aadayo dhaqaale xumo soo wajahday xukuumaddiisa.
Dagaalka kooxaha Islaamiyiinta Soomaaliya oo maalmihii u dambeeyay aad u sii kordhayey ayaa kamid ah caqabadaha Xasan Sheekh haysta kaas oo u muuqda hoggaamiyihii xukuumaddii galbatey ee Taliban mid masiirkiisu u egyahay.
Dowladda Mareykanka ayaa dhawaan sheegtay in ay jartey dhaqaalihii ay siin jireen waddamada ay taageeraan taas oo caqabad ku ah Villa Somalia.
Si kastaba ha ahaatee Xasan ayaa wajahaya culeysyo gudeed oo kaga imanaya mucaaridka, Jihaadiyiinta iyo kuwo dibadeed oo Itoobiya kow ka tahay.
