Guddida Doorashooyinka maamulka Somaliland oo dhawaan tegay xarunta dalka Kenya ee Nairobi ayaa la sheegay in ay la kulmeen Sanduuq lagu magacaabo Somalia Stability Fund kaas oo dalalka shisheeye ay Soomaaliya kaga caawiyaan waxa loogu miisaaniyadda doorashooyinka.
Sanduuqan oo lacagta qaybta Gobollada Waqooyi ku soo hagaagaysa ay hore u diideen Siilaanyo iyo Muuse Biixi oo ahaa hoggaamiyeyaashii SL ee ugu dambeeyay ayaa lagu eedeeyay in Guddida Doorashooyinka SL ay imika soo qaateen.
Guddoomiyaha Guddida ayaa iska fogeeyay arrinkaas isaga oo sheegay in aaney waxba ka jirin.
"Arrimaha la sheegayaa waa arrimo been abuura wax lacag ah oo aanu Somalia Stability Fund ka qaadanayna ma jirto, ciddii faafinaysa wararkaasna tallaabo sharci ah baanu ka qaadaynaa” ayuu yiri Muuse Xasan.
Somaliland ayaa wajahday sannadihii ugu dambeeyay xaalad dhaqaale ka dib dagaallo muddo socday oo lagaga saarey magaalada Laascaanood.
Geesta kale Dowladda Federaalka ayaa gacanta ku haysa dhaqaalaha shisheeyuhu ku bixiyo waxa loogu yeero dimuquraadiyadda taas oo loogu dhiibo in ay maamullada aqoonsan iyo kuwa diiddanba u qaybiso.
