Trump ayaa sheegay in xilka qaadista uu sameeyay ay qeyb ka tahay isbedelka uu ladamacsanyahay wasaaradda difaaca iyo dhammaan saraakiisheeda muhiimka ah.

Wargeyska New York Times ayaa sheegay in sababta xilka looga qaaday Jeneraal Charles  Brown ay tahay isagoo ka cagajiiday in uu u hoggaansamo siyaasadda Trump ee ku salaysan in ciidanka Mareykanka ay xoogga saaraan ka shaqeynta danaha America ayna ka yareeyaan xoojinta dowlado kale.

Wararku waxay intaas ku darayaan in taliyaha shaqada laga ceyriyay uu mucaaradsanaa qorshaha maamulka cusub ee Mareykanka ee ah in ladhimo miizaaniyadda ciidanka ku baxaysa iyo in wax walba laga hormariyo maslaxadda Mareykanka.

Wasiirka difaaca xukuumadda Washington ayaa isna sheegay in dib uhabayn ballaaran lagu sameyn doono saraakiisha ciidamada si loosoo afjaro ciidamada American-ka ah ee daafaha caalamka ku kala firirsan.

Warbaahinta maxalliga Mareykanka ayaa soo tebisay in 5-ta hoggaan ee ugu sarreeya ciidanka Mareykanka isbedel lagu sameyn doono, isbuucyadii lasoo dhaafay gudaha wasaaradda Gaashanadhigga Mareykanka waxaa ka taagnaa xiisado udhaxeeya wasiirka difaaca iyo saraakiisha ciidanka oo ka madax adeygayay u hoggaansanka awaamirta cusub ee Trump