Wararka ka imanaya gobolka Shabeellaha hoose ayaa sheegaya in shalay dagaalyahannada Al-Shabaab ay 2 qarax la beegsadeen kolanyo ciidamo Ugaandhiis ah.
Sida ay wararku tibaaxayaan kolonyadan ayaa xilliga la weeraray ka baxay deegaanka Buufow kuna sii jeeday deegaanka Shalambood.
Ilo-wareedyo aanu helnay ayaa sheegaya in qaraxaasi ay ku dhinteen ugu yaraan 2 askari oo isugu jiray Ugaandhiis iyo Soomaali, kunaa dhaawacmeen 3 askri oo Ugaandhiis ah.
Sidoo kale jihaadiyiintu waxay gelinkii dambe ee khamiistii qaraxyo ku weerareen ciidamo Ugaandhiis ah oo ku socdaalayay agagaarka deggaanka Number 60.
Faahfaahin dheeriya oo qaraxyadaasi aanu ka helnay ayaa tibaaxaya in ugu yaraan 2 askari oo Ugaandhiis ah iyo mid Soomaali ah lagu dilay qaraxyadaasi.
Sidoo kale dhaawaca ayaa tiradiisu gaaraysaa 2 askari oo Ugaandhiis ah iyo hal askari oo ka tirsan maleeshiyaadka Gurguurte.
Wararka ayaa intaas ku daraya in gabi ahaanba uu basbeellay mid ka mida baabuurtii kolonyada ahayd ee ay la sodeen ciidamada Uganda oo noociisu ahaa Taw.
