Taliye sare oo ka tirsanaa maleeshiyaadka Gurguurte oo maanta lagu dilay Shabeellaha hoose.

Saturday April 05, 2025 - 16:17:01
Liibaan Jeexoow
Wararka ka imanaya Shabeellaha hoose ayaa sheegaya in goor dhawayd toogasho toos ah lagu khaarajiyey taliye ka tirsanaa maleeshiyaadka Gurguurte.
Sida ay sheegayaan wararku askari ka tirsan maleeshiyaadka Gurguurte ayaa toogasho ku dilay Kornayl Nuur Farey oo ahaa taliyaha maleeshiyaadka isugu yeera 14 October.

Sarkaalkan ayaa la sheegayaa in lagu dilay deggaan lagu magacaabo Cabdoo Dibille oo u dhaxeeya degmada Afgooye iyo deggaanka Laata Buuro.

Xilliga sarkaalkan la weeraray ayaa la sheegayaa inuu ku gudo-jiray khudbad uu u jeedinayay maleeshiyaad ka tirsanaa guutada uu madaxda ka ahaa.

Askariga toogashada ku khaarajiyey sarkaalkan ayaa sidoo kale lagu soo warramayaa in uu dilay sarkaal kale oo isna ku sugnaa goobtaasi, kaas oo weli aanaan magaciisa helin.

Maleeshiyaadka daba-dhilifka ah ee Gurguurte ayaa xaqiijiyey dilka Sarkaalkan, kaas oo ay sheegeen in goobtaasi ay ka qaadeen isagoo mayd ah.

Sarkaalkan ayaa ka mid ahaa saraakiil ka bootayn jirtay isla markaana muuqaallo igu sawir ah kusoo geli jirtay deggaanno ka tirsan labada Shabeelle.

Sidoo kale Nuur Farey ayaa lagu soo warramayaa inuu aad u dhibi jiray bulshada ku dhaqan deggaanno ay ka mid tahay degmada Afgooye.

Related Items

Update cookies preferences