Dagaalyahannada Al-Shabaab ayaa saaka weerar cag-marin ah kula jarmaaday xero ay maleeshiyaadka Soomaalida ee kaba-qaadka u ah dawladda Kenya ku leeyihiin deggaanka Biyo-madoobe oo hoos-taga degmada Faafi ee gobolka Gaarisa oo ka mida dhulka ku hoos-jira gumaysiga Kenya.
Maleeshiyaadkan oo lagu soo warramayo inay si gaar ah ula shaqaynayeen ciidamada afduubka ee dawladda Kenya oo dhibaato xooggan ku haya dadka muslimiinta ah.
Ilo-wareedyo ayaa sheegaya in jihaadiyiintu ay si buuxda ula wareegeen xeradaasi, isla markaana ay jiraan dhimasho iyo dhaawac soo gaaray maleeshiyaadka iyo weliba saanad laga furtay.
Sida ay sheegayaan xogihii u dambeeyey ee soo baxay weerarkaasi waxaa lagu dilay ugu yaraan 5 askari, waxaana laga soo furtay 4 qori oo AK47 ah iyo Qori RPG ah.
Sidoo kale xoogagga Al-Shabaab waxay maanta qarax culus la beegsadeen kolonyo ciidamo Kenyaan ah oo ku socdaalayay inta u dhaxeysa deggaanka Finow iyo Sheekh Barow oo hoos-taga degmada Lafeey ee gobolka Mandheera oo ka mida dhulka ku hoos-jira gumaysiga Kenya.
Ilo-wareedyo ayaa tibaaxaya in qaraxaasi uu haleelay gaari Taaw ah, isla markaana ay ku naf-waayeen askartii Kenyaanka ahayd ee la socotay gaarigaasi oo gabi ahaanba ku burburay qaraxaasi.
Gobolka Shabeellaha hoose, waxaa ka dhacay habeenkii xalay dagaal culus oo xoogagga Al-Shabaab ay ku mireen xerada askarta Uganda ee degmada Jannaale.
