Raayada Tawxiidka ayaa lagu soo warramayaa inay ka babanayso gabi ahaanba xeryihii laga fara-maroojiyey maleeshiyaadka Gurguurte ee deggaanka Sabiid ee duleedka degmada Afgooye ee gobolka Shabeellaha hoose.
Saldhigyadan ay jihaadiyiintu la wareegeen waxay ka mid ahaayeen kuwa ugu waaweyn ee laga difaacayay kooxda Villa Somaliya ee ku sugan Muqdisho.
Waxaa lasii baaxsanayaa firxadka maleeshiyaadka Gurguurte oo u baxsaday dhanka Afgooye oo qiyaastii deggaanka Sabiid u jirta 10 KM. Waxaana jira saanad fara badan oo jihaadiyiinta ay gacanta ku dhigeen.
Warar dheeraad ah oo goor dhawayd aanu helnay ayaa tibaaxaya in ay jiraan dhaqdhaqaaqyo ay xoogagga Al-Shabaab ka wadaan duleedka magaallada Muqdisho.
Xogaha aanu helayno ayaa sheegaya in dagaalyahannada Al-Shabaab ay haatan la wareegeen maamulka isu-socodka deggaannada dhaca duleedka Muqdisho.
Deggaannadaasi lagu arkay mujaahidiinta waxaa ka mida Calamada, Xaawo Cabdi, Lafoole, Afgooye iyo Ceelasah Biyaha.
Roondada Jihaadiyiinta ayaa beegsaday isla markaana dhegta dhiigga u daray kolonyo maleeshiyaada oo gurmad ahaan uga soo baxay caasimadda Muqdisho.
Jihaadiyiintu waxa kale oo ay kamiin u dhigeen maleeshiyaad ka tirsan kuwa Gurguurte oo ka baxay deegaanka Ceelasha biyaha gurmadne u ahaa deggaanka Sabiid.
Kamiinka waxa uu ka dhacay agagaarka deggaanka Xaawo Cabdi, waxaana jira dagaal fool-ka-fool ah oo halkaasi ka dhacay.
Wararka ayaa ayaa intaas ku daraya in maleeshiyaadkii gurmadka ahaa oo jiidanaya jiidanaya dhaawaca labo askari ay dib ugu laabteen halkii ay ka yimaaddeen.
La soco wixii soo kordha insha Allaah …………..
Kusoo biir channel-ka cusub ee SOMALIMEMO:
