Iyadoo guluf xooggani uu ka socda deggaanno badan oo kulaalaya magaallada Muqdisho ayaa maanta goobaha sida xun loogu jabiyey maleeshiyaadka Gurguurte waxaa ka mida deggaanka Laba-Garas ee Shebeellaha dhexe.
Wararka kasoo baxay deggaannadaasi ayaa tibaaxaya in maleeshiyaadka calooshood-u-shaqaystayaasha Bangaraafta jab xooggan lagu gaarsiiyey dagaalkan.
Ilo-wareedyo ayaa sheegaya in dagaalyahannada Al-Shabaab ay weerarkan ku qabsadeen baabuur noociisu ahaa Cabdi Bile oo ay lahaayeen maleeshiyaadka Danab.
Xogta ayaa intaas ku daraysa in uu jiro khasaare kale oo isugu jira dhimasho iyo dhaawac oo soo gaaray maleeshiyaadka Bangaraafta ee Maraykanku tababaray.
Dagaalkan ayaa imanaya iyadoo saaka dagaalyahannada Al-Shabaab ay weerarro cag-marin ah kula wareegeen degmada Aw-dheegle Shabeellaha hoose iyo deggaanka Sumadaale ee duleedka Cadale ee gobolka Shabeellaha dhexe.
Waxaa jiray sawirro horu-dhac ah oo aanu horey idiinku soo baahinay oo ku saabsanaa deggaannadaasi ay la wareegeen dagaalyahannada Al-Shabaab.
Sidoo kale waxaanu haatan idiin haynaa qaybtii labaad ee sawirradii laga soo qaaday saaka la-wareegistii deggaanka Aw-dheegle ee gobolka Shabeellaha hoose, kuwaasi oo hoos aad kaga bogon karto. Wixii deg-deg ah kala soco https://t.me/somalimemo20
