Iran hadda waa inay doorataa mid ka mid ah saddex istiraatiijiyad oo ay uga jawaabto weerarka Maraykanka ee dhacay xalay.
1. Inay waxba aysan samayn.
Tani waxay ka badbaadin kartaa weerarro kale oo dheeraad ah oo Maraykanka uga yimaada, waxayna dooran kartaa waddada diblomaasiyadda iyadoo dib ugu biiri karta wadahadallada ay la leedahay Maraykanka. Laakiin haddii aysan wax jawaab ah bixin, waxay u muuqanaysaa in nidaamka Iran uu yahay mid daciif ah oo aad u taagdaran, islamarkaana la jebiyey qabkii uu lahaa, gaar ahaan iyadoo weliba la ogyahay in ay marar badan uga digeen Maraykanka in aysan soo faragelin dagaalka, haddii ay kusoo biiraana ay ka dhalan doonto cawaaqib xumo haddii uu weerar ku qaado goobaha nuclearka. Waxaa laga yaabaa inay go'aansato in taageerada shacabkeeda ee ah inay iska dhiciso cadowgeeda ay ka daran thy in ay la kulanto weeraro dheeraad ah.
2. Inay si adag oo degdeg ah u aarguddo.
Iran weli waxay haysataa kayd ballaaran oo gantaallo ballistic ah, oo ay sannado soo saarayeen oo ay qarineysay. Waxay leedahay liis bartilmaameedyo ah oo gaaraaya ilaa 20 saldhig oo Maraykan ah oo ku yaalla Bariga Dhexe oo ay beegsan karto. Sidoo kale waxay bilaabi kartaa "weerarro isdaba-joog ah" oo ay ku qaadayso maraakiibta dagaalka ee badda Maraykanka iyadoo adeegsaneysa diyaaradaha aan duuliyaha lahayn iyo doomaha yar-yar ee xawaaraha sare leh ee wata torpedo-yada.
3. Inay dib uga aargudato xilli ay iyadu doorato oo aan deg deg ahayn.
Tani waxay la micno tahay inay sugaan ilaa xiisadda hadda taagan ay yaraato, kadibna ay fuliyaan weerar lama filaan ah marka saldhigyada Maraykanku aysan ku jirin heegan buuxa.
