Wararka ka imananaya deggaannada ku hoos-jira gumaysiga dowladda Kenya ayaa sheegaya weerar ay jihaadiyiinta Al-Shabaab ku qaadeen ciidamada Kenya.
Hawl-galkan oo ahaa weerar dhabbo-gal ah ayaa saacadihii lasoo dhaafay lagu beegsaday ciidamada Kenya iyo maleeshiyaadka daba-dhilifka u ah ee leh jinsiga Soomaaliga.
Dhaqdhaqaaqyo ayaa la sheegayaa in huwantu ay ka wadeen agagaarka deggaanka Walmareer oo hoos-taga degmada Faafi ee gobolka Gaarisa.
Sida ay xogtu tibaaxayso Jihaadiyiinta ayaa garneellada garbaha laga rido la helay gaari Taw ah oo qayb ka ahaa kolonyada ciidamada huwanta.
Ilo-wareedyo aanu helnay ayaa xaqiijiyey in goobtaasi ay dhimasho iyo dhaawac ku noqdeen tiro askarin Kenyaati ah.
Geesta kale, dagaalyahannada Al-Shabaab ayaa habeennimadii xalay hawl-gal qarax ah ku miray maleeshiyaad ku sugnaa degmada Qoryooley ee gobolka Shabeellaha hoose.
Sida ay wararku tibaaxayaan hawl-galkan ayaa geystay dhaawaca laba askari oo ka tirsan maleeshiyaadka ashahaado-la-dirirka Gurguurte.
