Dagaalyahannada Al-Shabaab ayaa maanta hawl-gal qarax ah ka fuliyey deggaan ka tirsan gobolka Shabeellaha dhexe.
Qaraxan ayaa lala eegtay ciidamo Burundiis ah oo ku lugaynayay deggaanka Buurane, waxaana jira khasaare soo gaaray calooshood-u-shaqaystayaasha.
Ilo-wareedyo aanu helnay ayaa sheegaya in qaraxaasi ay ku naf-waayeen ugu yaraan 2 askari oo ka tirsanaa ciidamada Burundi.
Sidoo kale dagaalyahannada Al-Shabaab ee ka hawl-gala gobolka Shabeellaha hoose ayaa maanta qarax la beegsaday maleeshiyaad ku sugan gudaha deggaanka Buula-mareer.
Maleeshiyaadkan ayaa la weeraray xilli ay ku sugnaayeen isbaaro u taallay gudaha magaalada, waxaana soo gaaray khasaare isugu jira dhimasho iyo dhaawac.
Sida aanu xogta ku helnay qaraxaasi waxaa ku dhintay ugu yaraan 1 askari oo ka tirsanaa maleeshiyaadka Gurguurte, halka mid kalena uu ku dhaawacmay.
Geesta kale, waxaa faahfaahin dheeriya ay kasoo baxday khasaaraha ka dhashay qarax ay dagaalyahannada Al-Shabaab saaka ku weerareen ciidanka Xabashida Itoobiye ee ku sugan gegida diyaaradaha ee magaalada Baydhabo ee gobolka Baay.
Sida ay wararku tibaaxayaan qaraxan waxaa ku qudh-baxay ugu yaraan 2 askari oo Itoobiyaan ah, halka mid kalena uu ku dhaawacmay.
Si aad u hesho wararka iyo warbixinnada SOMALIMEMO kusoo biir:
