Guddida Anshaxa oo hoostaga Guddida Doorashooyinka ee maamulka iskii madaxbannaanida ugu dhawaaqey ee Somaliland ayaa ganaax lacageed ku ridey mas'uul ka tirsan Xisbiga Waddana ee maamulkaas ka tartama.
Qoraal ka soo baxay guddidaas ayaa lagu xusay in xubin ka tirsan Waddani oo lagu magacaabo Ismaaciil Aadan Cismaan lagu xukumay lacag dhan 10milyan oo Shilinka Somaliland laga isticmaalo ah.
Dhanka kale waxa guddidu ku xukumeen in uu raalli gelin ka bixiyo wareysi uu dhawaan bixiyey oo uu ku eedeeyay Taliyaha Booliska Somaliland.
Ismaaciil waxa uu warbaahinta u sheegay in Taliyaha Boolisku aanu dhexdhexaad ahayn ee uu taageeri Xisbiga Kulmiye ee Xukuumadda.
Guddida Anshaxa ee SL ayaa mar hore sidan oo kale ganaax ugu soo rogtey mas’uuliyiin ka tirsan Xisbiga Kulmiye.
